కాకతీయుల కాలంనాటి సాంఘిక పరిస్థితులు
Telangana History in Telugu
కాకతీయుల కాలంలో సమాజం ప్రధానంగా బ్రాహ్మణ, క్షత్రియ, వైశ్య, శూద్ర అనే నాలుగు వర్ణాలుగా విభజించబడి ఉండేది. కాలక్రమేణా ప్రతి వర్ణంలో అనేక ఉపకులాలు ఏర్పడ్డాయి. శాసనాలు, సాహిత్య గ్రంథాలైన ప్రతాపచరిత్ర, క్రీడాభిరామం లలో వివిధ వృత్తులు, కులాల ప్రస్తావన కనిపిస్తుంది. కోమట్లు, గొల్లలు, సాలెలు, కుమ్మరులు, బోయలు, మేదరలు వంటి అనేక కులాలు ఆనాటి సమాజంలో కీలక పాత్ర పోషించాయి.
హిందూమత సంస్కరణలో భాగంగా శైవ, వైష్ణవ మతాలు ఆవిర్భవించాయి. కుల నిర్మూలన లక్ష్యంతో ప్రారంభమైనప్పటికీ, వీటి ద్వారా కొత్త కులాలు ఏర్పడ్డాయి. శైవుల్లో లింగాయతులు, జంగాలు, బలిజలు; వైష్ణవుల్లో దాసర్లు, సాతానులు వంటి కులాలు ఏర్పడ్డాయి. అప్పటికే ఆష్టాదశ కులాలు సమాజంలో ప్రాచుర్యంలో ఉన్నాయి.
ఈ కాలంలో బాల్యవివాహాలు సాధారణంగా ఉండేవి. అనులోమ, ప్రతిలోమ వివాహ పద్ధతులు అమల్లో ఉండేవి. అయినప్పటికీ కుల వ్యవస్థను పూర్తిగా నిర్మూలించే ప్రయత్నాలు ఫలించలేదు. రాజకీయంగా రెడ్లు, వెలమలు ప్రాబల్యం సంపాదించగా, బ్రాహ్మణులు రాజకీయ అధికారాన్ని కోల్పోయారు. చతుర్థ వర్ణానికి చెందినవారు రాజకీయాధికారంలోకి వచ్చారు.
కాకతీయుల కాలపు సాంఘిక జీవితంలో కుల సంఘాలు ముఖ్యమైన పాత్ర పోషించాయి. నగరాలు, గ్రామాలు కులాల ఆధారంగా పేటలుగా విభజించబడ్డాయి. వెట్టి వ్యవస్థ, పూటకూళ్ల జీవనం వంటి అంశాలు ఆనాటి సామాజిక పరిస్థితులను స్పష్టంగా చూపిస్తాయి.
Also Read :
Also Read :
0 Comments