Acharya Vinoba Bhave Biography in Telugu | ఆచార్య వినోబా భావే | Indian History in Telugu

Acharya Vinoba Bhave Biography in Telugu

Indian History in Telugu

ఆచార్య వినోబా భావే

గొప్ప స్వాతంత్య్ర సమరయోధుడు, సంఘసంస్కర్త ఆచార్య వినోబా భావే 11 సెప్టెంబర్‌ 1895 రోజున మహారాష్ట్రలోని కొంకణ్‌ ప్రాంతంలోని గగోడా గ్రామంలో జన్మించారు. వినోబా భావే అసలు పేరు వినాయక్‌ నరహరి భావే. 07 జూన్‌ 1976 రోజున మహాత్మా గాంధీని కలిసిప్పుడు గాంధీజీ ఆయనకు వినోబా అనే పేరు పెట్టారు. 1959లో మహారాష్ట్రలోని పవనార్‌లో బ్రహ్మ విద్యా మందిరాన్ని స్థాపించారు. వినోబా భావే ప్రజల కోసం అనేక ఆధ్యాత్మిక, తాత్విక బోధనలు చేశారు. అందువల్లే ఈయనకు ‘‘ఆచార్య’’ అనే బిరుదు వచ్చింది. ఈయనను ‘నేషనల్‌ టీచర్‌ ఆఫ్‌ ఇండియా’ అని కూడా పిలుస్తారు.
భారతదేశంలో స్వాతంత్రం పొందిన అనంతరం దేశంలో ధనికులు, పేదల వర్గాల మధ్య వ్యత్యాసం చాలా ఉండేది. దీంతో సమాజంలో పేద, ధనిక వర్గాల మధ్య వ్యత్యాసాలు పెరిగాయి. దీనిని దృష్టిలో ఉంచుకొని ధనిక, పేదల మధ్య వ్యత్యాన్ని తగ్గించేందుకు ఆచార్య వినోబా భావే ‘‘భూదానోద్యమం’’ ప్రారంభించారు. ఈ భూదానోద్యమం ద్వారా వందలాది, వేలాది ఎకరాలు ఉన్న భూస్వాములు సెంటు భూమి కూడా లేని నిరుపేదలకు స్వచ్ఛందంగా తమ యొక్క పొలాలను దానం చేశారు. ఈ ఉద్యమ స్పూర్తితో దేశవ్యాప్తంగా భూస్వాములు తమ యొక్క 44 లక్షల ఎకరాలను పేదలకు దానం చేశారు. అహింసతోనే దేశానికి స్వాతంత్య్రం లభిస్తుందని గాంధీజీ భావించి 1940లో సత్యాగ్రహాన్ని ప్రారంభించేందుకు గాంధీజీ ఎంచుకున్న మొదటి వ్యక్తి వినోబా భావే. ఈయన చేసిన సేవలకు గాను 1983లో భారతదేశ అత్యున్నత పురస్కారం ‘భారతరత్న’ తో సత్కరించింది.