అలోహాల లక్షణాలు మరియు ఉపయోగాలు
అలోహాలు (Non-Metals)
| విభాగం | వివరణ |
|---|---|
| వ్యాఖ్యానం | మృదువుగా ఉండి ద్యుతిగుణం, తాంతవత, స్థరనీయత, విద్యుద్వాహకత, ఉష్ణవాహకత లేని పదార్థాలను అలోహాలు అంటారు. ఇవి సులభంగా ఎలక్ట్రాన్లను గ్రహిస్తాయి. ఉదా: ఆక్సిజన్, హైడ్రోజన్, నైట్రోజన్, కార్బన్, ఫాస్ఫరస్, క్లోరిన్, అయోడిన్, సల్ఫర్, ఫ్లోరిన్. |
| ధర్మాలు |
అలోహాలు నీటితో లేదా ఆమ్లాలతో సాధారణంగా చర్య జరపవు. ఆక్సిజన్తో చర్య చేసి ఆక్సైడ్లను ఏర్పరుస్తాయి.
అలోహ ఆక్సైడ్లు ఆమ్ల స్వభావం కలిగి ఉంటాయి మరియు నీలి లిట్మస్ను ఎరుపుగా మారుస్తాయి. ఉదాహరణలు: SO₂ + H₂O → H₂SO₃ (సల్ఫ్యూరస్ ఆమ్లం) CO₂ + H₂O → H₂CO₃ (కార్బోనిక్ ఆమ్లం) |
| ఆక్సిజన్ ఉపయోగాలు | దహన దోహదకారి. కృత్రిమ శ్వాసలో ఉపయోగిస్తారు. ఆక్సి-అసిటిలీన్ గ్యాస్ వెల్డింగ్లో వాడతారు. రాకెట్లలో ద్రవరూప ఇంధనంగా ఉపయోగిస్తారు. |
| హైడ్రోజన్ ఉపయోగాలు | అత్యంత తేలికైన వాయువు. బెలూన్లలో నింపుతారు. నూనెల హైడ్రోజనీకరణలో మరియు రాకెట్లలో ఇంధనంగా ఉపయోగిస్తారు. |
| నైట్రోజన్ ఉపయోగాలు | గాలిలో అధికంగా ఉంటుంది. అమ్మోనియా, యూరియా తయారీలో, పేలుడు పదార్థాలలో ఉపయోగిస్తారు. ద్రవ నైట్రోజన్లో జీవ పదార్థాలను నిల్వ చేస్తారు. |
| కార్బన్ ఉపయోగాలు | నీటి శుద్ధిలో, ఇంధనంగా, గ్రాఫైట్ విద్యుద్వాహకంగా, వజ్రం ఆభరణాల్లో ఉపయోగిస్తారు. |
| ఫాస్ఫరస్ ఉపయోగాలు | అగ్గిపెట్టెలలో, మిశ్రమ లోహాల్లో, ఎలుకల నివారణలో ఉపయోగిస్తారు. |
| క్లోరిన్ ఉపయోగాలు | నీటి శుద్ధిలో, బ్లీచింగ్ పౌడర్, క్లోరోఫాం తయారీలో ఉపయోగిస్తారు. |
| అయోడిన్ ఉపయోగాలు | థైరాయిడ్ పనితీరుకు అవసరం. టింక్చర్ ద్రావణంలో మరియు పిండిపదార్థాల పరీక్షలో ఉపయోగిస్తారు. |
| సల్ఫర్ ఉపయోగాలు | సల్ఫ్యూరిక్ ఆమ్లం, టపాకాలు, యాంటీసెప్టిక్ మందులు, రబ్బరు వల్కనైజేషన్లో ఉపయోగిస్తారు. |
| ఫ్లోరిన్ ఉపయోగాలు | టెఫ్లాన్ తయారీ, టూత్పేస్ట్, ఫ్రిజ్, ఏసీ, యురేనియం శుద్ధిలో ఉపయోగిస్తారు. |
 ధర్మాలు, లక్షణాలు, ఉపయోగాలు){kind=link}
0 Comments