Indian Polity : What is Electoral Bonds | ఎలక్టోరల్ బాండ్లు అంటే ఏమిటి? | Indian Polity gk in Telugu

ఎలక్టోరల్ బాండ్లు (Electoral Bonds) అంటే ఏమిటి?

భారతదేశంలో రాజకీయ పార్టీలకు అందే విరాళాల వ్యవస్థలో పారదర్శకత తీసుకురావాలనే లక్ష్యంతో కేంద్ర ప్రభుత్వం 2018లో ఎలక్టోరల్ బాండ్ల (Electoral Bonds) విధానాన్ని ప్రవేశపెట్టింది. ఈ పథకం ద్వారా వ్యక్తులు లేదా సంస్థలు రాజకీయ పార్టీలకు చట్టబద్ధంగా విరాళాలు అందించవచ్చు.

ఎలక్టోరల్ బాండ్లు ఎలా పనిచేస్తాయి?

విరాళం ఇవ్వాలనుకునే వ్యక్తులు లేదా సంస్థలు అధీకృత బ్యాంకులో నిర్ణీత మొత్తాన్ని చెల్లించి ఎలక్టోరల్ బాండ్లను కొనుగోలు చేస్తారు. అనంతరం ఆ బాండ్లను తమకు నచ్చిన రాజకీయ పార్టీకి అందజేస్తారు. సంబంధిత పార్టీ ఆ బాండ్లను బ్యాంకులో రిడీమ్ చేసుకొని నగదును పొందుతుంది.

ఎలక్టోరల్ బాండ్ల ముఖ్యాంశాలు

ఎలక్టోరల్ బాండ్లను జారీ చేసే అధీకృత బ్యాంకు స్టేట్ బ్యాంక్ ఆఫ్ ఇండియా (SBI).
బాండ్ల కొనుగోలుపై ఎలాంటి గరిష్ట పరిమితి లేదు.
బాండ్ల చెల్లుబాటు కాలం 15 రోజులు మాత్రమే.
బాండ్లపై దాత పేరు లేదా ఇతర వివరాలు ఉండవు.
ఇవి బేరర్ బ్యాంకింగ్ ఇన్‌స్ట్రుమెంట్ (Bearer Banking Instrument) గా పరిగణించబడతాయి.
ప్రతి సంవత్సరం జనవరి, ఏప్రిల్, జూలై, అక్టోబర్ నెలల్లో 10 రోజుల పాటు వీటి విక్రయం జరుగుతుంది.
భారత పౌరులు మరియు భారతదేశంలో నమోదైన సంస్థలు మాత్రమే వీటిని కొనుగోలు చేయగలవు.
ఎలక్టోరల్ బాండ్ల ద్వారా విరాళాలు ఇచ్చిన వ్యక్తులు లేదా సంస్థలకు ఆదాయపు పన్ను చట్టం ప్రకారం పన్ను మినహాయింపులు లభిస్తాయి.